cistí ríomh-airgid

Tá ról tábhachtach ag buiséad an Aontais maidir le gníomhú ar son na haeráide a chur chun cinn i ngach earnáil de gheilleagar na hEorpa, agus maidir leis an infheistíocht a bheidh ag teastáil chun na spriocanna aeráide a bhaint amach agus athléimneacht in aghaidh an athraithe aeráide a áirithiú a spreagadh. Is ionann cuspóirí maidir le gníomhú ar son na haeráide agus 20 % ar a laghad de chaiteachas an Aontais sa tréimhse 2014-2020 agus, dá bhrí sin, léireofar iad sna hionstraimí iomchuí lena bhfeabhsófar iomaíochas na hEorpa agus lena gcruthófar níos mó post agus poist níos glaise.

Is éard atá sna 5 Chiste Struchtúracha agus Infheistíochta na hEorpa (Cistí SIE), arb ionann iad agus aon trian de bhuiséad an Aontais:

• An Ciste Comhtháthaithe,
• Ciste Sóisialta na hEorpa
• Ciste Forbraíochta Réigiúnaí na hEorpa
• An Ciste Eorpach Talmhaíochta um Fhorbairt Tuaithe
• An Ciste Eorpach Muirí agus Iascaigh

Maidir le gníomhú ar son na haeráide, rannchuideoidh CSIE leis an méid seo a leanas:

• A áirithiú go gcomhlíonfaidh na Ballstáit agus an tAontas a ngealltanais maidir le maolú agus go rannchuideoidh siad le maolú domhanda ar an athrú aeráide.
• Athléimneacht na hEorpa in aghaidh an athraithe aeráide a chinntiú.
• Leas a bhaint as na deiseanna gnó a eascraíonn as éileamh domhanda atá ag dul i méid ar réitigh oiriúnaithe agus mhaolaithe atá costéifeachtúil agus éifeachtach.