Staidéar ar shamhaltú oiriúnúcháin — Cur chuige molta i leith anailíse agus samhaltú

Tá an tuarascáil seo mar chuid de staidéar a choimisiúnaigh an Coimisiún Eorpach — an Ard-Stiúrthóireacht um Ghníomhú ar son na hAeráide maidir le samhaltú oiriúnúcháin, lena n-áirítear freisin tuarascáil ar chur chuige molta i leith anailíse agus samhaltú agus tuarascáil ar mhearanailís.

Bailíonnan tuarascáil seo cineálacha cur chuige molta maidir le hanailís agus samhaltú le haghaidh cinnteoireachta níos eolasaí ar oiriúnú ag leibhéil éagsúla rialachais san AE, arna n-anailísiú laistigh de staidéar cuimsitheach arna choimisiúnú ag an gCoimisiún Eorpach, an Ard-Stiúrthóireacht um Ghníomhú ar son na hAeráide. Thairis sin, sainaithnítear sa tuarascáil seo na príomhdhul chun cinn taighde is gá chun forbairt agus cur i bhfeidhm na hanailíse teicniúla, airgeadais, eacnamaíche agus neamhairgeadaíochta agus samhaltú ar ghuaiseacha, rioscaí, tionchair, leochaileacht agus oiriúnú an athraithe aeráide a chothú.

Cuireann antuarascáil seoleis an athbhreithniú cuimsitheach deisce ar an litríocht maidir le samhlacha agus uirlisí le haghaidh oiriúnú don athrú aeráide, a rinneadh laistigh den staidéar céanna. Soláthraítear ann achoimrí, chomh maith le plé mionsonraithe agus rangú de réir thosaíocht na saincheisteanna oiriúnaithe gaolmhara, ar rogha cur chuige molta le haghaidh anailísí teicniúla, airgeadais, eacnamaíocha agus neamhairgeadaíochta agus uirlisí samhaltaithe lena gcumhdaítear guaiseacha, rioscaí, tionchair, leochaileacht agus oiriúnú don athrú aeráide.

Sainítearsa tuarascáil freisin gníomhaíochtaí leantacha ábhartha don tréimhse 5 bliana atá le teacht d’fhonn feabhas a chur ar an gcur chuige maidir le gach ceann de na cásanna úsáide a ndearnadh anailís orthu i dtuarascáil ar leithligh. Cumhdaítear trí phríomhuillinn sa tuarascáil seo:

• Sainaithnítear ann na príomhchéimeanna modheolaíochta lena gcumasaítear anailís éifeachtach ar oiriúnú a fhorbairt, bunaithe ar an Uirlis Tacaíochta um Oiriúnú (AST) de réir Climate-ADAPT. Aistrítear na sé chéim AST go céimeanna imscrúdaithe chun a léiriú conas ba cheart anailísí oiriúnaithe a struchtúrú go hidéalach.
• Seiceálannsé conas a mheaitseálann na samhlacha agus na modhanna éagsúla a ndearnadh grinnscrúdú orthu na céimeanna seo, ag soláthar anailíse ar bhearnaí a thugann le fios cad is indéanta inniu agus cad nach bhfuil indéanta fós. Baineann bearnaí sainaitheanta le réiteach garbh spásúil-ama, leis an deighilt idir an measúnú maicreacnamaíoch ar thionchair agus anailís áitiúil, le cumhdach neamhshásúil aiseolais agus idirghníomhaíochtaí i measc gnéithe éagsúla den phróiseas oiriúnaithe don athrú aeráide, leis an easpa cleachtais chomhdhlúite maidir le héiginnteacht a chur in iúl, agus le neamhábaltacht na gCóras Tacaíochta Cinntí atá ar fáil léargais thapa agus oibríochtúla a bhaint le haghaidh measúnú beartais ó shamhlacha oiriúnúcháin. 
  
• Ar deireadh, moltar sa tuarascáil roghanna chun feabhas a chur ar theorainneacha sainaitheanta sa mheasúnú ar oiriúnú. Go háirithe, sainaithnítear agus tugtar tosaíocht sa tuarascáil do ghníomhaíochtaí na chéad téarma eile (do na cúig bliana amach romhainn) ar féidir leo cur i bhfeidhm samhaltú aeráide-tionchair-eacnamaíoch a éascú tuilleadh le haghaidh anailísí oiriúnaithe atá inúsáidte go nithiúil. Áirítear ar na gníomhaíochtaí sin meastóireacht chórasach ar réimse infheidhmeachta an íos-scálaithe staidrimh le haghaidh na bparaiméadar éagsúil (teocht, frasaíocht, gaoth) le linn na tréimhse stairiúla; comparáid chórasach a dhéanamh idir feidhmíocht dhinimiciúil agus feidhmíocht íos-scálaithe staidrimh chun staidreamh na bparaiméadar ábhartha uile a léiriú;  leaganacha taifigh chothrománaigh níos airde de na samhlacha reatha a fhorbairt a ghlacann páirt i Seirbhísí reatha Copernicus um an Athrú Aeráide (CCS), agus, arís laistigh de Copernicus CCS, oifig thosaigh a bhunú do tháirgeoirí sonraí aeráide, chun infhaighteacht agus inrochtaineacht na dtacar sonraí a mhéadú. I measc na ngníomhaíochtaí eile a mholtar tá suirbhé ar fhianaise chainníochtúil atá ann cheana maidir le costas agus éifeachtacht an oiriúnaithe; uirlisí treorach córasacha agus cás-staidéir a fhorbairt le haghaidh measúnú ar riosca agus oiriúnú don athrú aeráide atá níos saincheaptha do riachtanais na ngeallsealbhóirí agus atá dírithe go háirithe ar chinnteoireacht láidir atá faoi éiginnteacht; agus luadh an tacaíocht leanúnach don taighde i ngach réimse bearna.