Teachtaireacht ón gCoimisiún Eorpach maidir le rioscaí aeráide a bheidh ann amach anseo a bhainistiú: Cuir do thuairim in iúl!

Mar fhreagairt ar an gcéad tuarascáil riamh maidir le Measúnú Riosca Aeráide Eorpach, a fhoilseoidh an Ghníomhaireacht Eorpach Chomhshaoil (EEA) in earrach 2024, dréachtóidh an Coimisiún Eorpach Teachtaireacht maidir le conas na rioscaí aeráide a shainaithnítear sa tuarascáil a bhainistiú. Is é an aidhm atá ann a áirithiú gur féidir le lucht ceaptha beartas cinntí follasacha agus eolasacha a dhéanamh maidir le hinghlacthacht rioscaí agus maidir leis na comhbhabhtálacha a bhaineann lena maolú. Go háirithe, sainaithneofar sa Teachtaireacht réimsí atá ríthábhachtach chun aghaidh a thabhairt ar na rioscaí aeráide sin i gcláir oibre, i gcláir ilbhliantúla agus i dtograí beartais an Choimisiúin amach anseo.

Ba mhaith leis an gCoimisiún do thuairimí a fháil faoin tionscnamh seo: is féidir leat tuilleadh eolais a fháil agus d’aiseolas a sheoladh trí ‘Cloisimis uait’ go dtí an 14 Eanáir 2024.

Téigh go dtí an leathanach ‘Cloisimis uait!’ ar shuíomh gréasáin an Choimisiúin Eorpaigh.

Téigh chuig leathanach gréasáin an Mheasúnaithe Eorpaigh ar Riosca Aeráide ar Climate-ADAPT.